Klubların növbəti dünya reytinqi açıqlanıb. Matc.az xəbər verir ki,ümulikdə 504 ən yaxşı komandanın yer aldığı İFFHS-in siyahısına Azərbaycanın 3 klubu düşüb.

Klublarımız arasında ən yaxşı göstərici “Qarabağ”a məxsusdu. Aktivində 174,75 xal olan “köhlən atlılar” reytinq sıralamasında 60-cıdı. Ağdam təmsilçisi ötən ayla müqayisədə 8 pillə geri düşüb.

Əvəzində “Zirə” 10 pilləlik sıçrayış edib. Hesabında 95,75 xal olan “qartallar” 201-ci yerə yüksəliblər. “Sabah” 60,75 xalla 41-ci yerdədi. “Bayquşlar” 17 pilləlik irəliləyişə nail olublar.

Ötən cədvəldə 482-ci olan “Neftçi” isə bu dəfə siyahıdan kənarda qalıb.

Qeyd edək ki, dünya reytinqində birinci yerdə 420 xala malik “Real” qərarlaşıb.