"Çelsi"nin hücumameyilli yarımmüdafiəçisi Koul Palmer sentyabr ayının ən yaxşı oyunçusu mükafatını alıb.

Matc.az xəbər verir ki, bu barədə Premyer Liqanın "X" sosial şəbəkəsindəki rəsmi hesabında məlumat paylaşılıb.

22 yaşlı futbolçu ötən ay İngiltərə çempionatının dörd oyununda iştirak edib, 5 qol vurub və 1 məhsuldar ötürmə edib.

Ümumilikdə, Palmer bu mövsüm bütün turnirlərdə 9 oyun keçirib, 6 qol vurub və 5 məhsuldar ötürmə edib.

Koul Palmerin klubla hazırkı müqaviləsi 2033-cü ilin yayına kimi nəzərdə tutulub. "Transfermarkt" portalında futbolçunun bazar dəyəri 90 milyon avrodur.