“Real”ın və Fransa millisinin hücumçusu Kilian Mbappenin spirtli içki ilə bağlı problemləri var. Matc.az xəbər verir ki, bu barədə insayder Romain Molina paylaşım edib.

Onun sözlərinə görə, 25 yaşlı futbolçu tez-tez içki içmək üçün evdən çıxır. Oktyabrın 11-də Mbappe Stokholm gecə klubunda görüntülənib. Oktyabrın 14-də məlum olub ki, İsveç paytaxtında polis Mbappenin həmin an istirahət etdiyi oteldə baş verdiyi iddia edilən zorlama şikayəti ilə bağlı araşdırma başlayıb.

Futbolçunun özü isə insidentlə əlaqəsini inkar edib. Daha sonra “Real”ın mətbuat xidməti forvardı reklam kampaniyasının fotosundan çıxarıb.

Qeyd edək ki, Kilian Mbappe bu ilin yayında “Real”a PSJ-dən keçib. O, cari mövsüm 11 oyunda 7 qol vurub, 1 assist edib.