Memfis Depay Niderland millisində növbəti rekorda imza atıb.

Matc.az xəbər verir ki, "Korintians"ın hücumçusu "narıncılar"ın heyətində ən çox qol ötürməsi edən oyunçu olub.

31 yaşlı forvard DÇ-2026-nın seçmə mərhələsinin Finlandiya ilə matçında iki assist etməklə buna nail olub. Depay yığmada etdiyi məhsuldar ötürmələrin sayını 35-ə çatdırıb. Təcrübəli futbolçu əvvəlki rekordçu Uesli Sneyderi (33) geridə  qoyub.

Xatırladaq ki, sentyabrda Memfis Depay həm də Robin van Persi (50 qol), Klaas-Yan Huntelaar (42) və Patrik Klyvert (40) kimi ulduzları geridə qoyaraq millinin bombardiri olub.