Tanınmış futbolçu Marek Hamşikin oğlu Kristian Hamşik karyerasını Danimarkada davam etdirəcək.

Matc.az xəbər verir ki, "Dukla"nın yarımmüdafiəçisi "Kopenhagen"ə keçib. Bu barədə paytaxt klubunun mətbuat xidməti məlumat yayıb.

15 yaşlı futbolçu gələn ilin yanvar ayında yeni komandasının düşərgəsinə qoşulacaq.

Qeyd edək ki, Kristian Hamşik hazırda "Dukla"nın gənclər komandasında çıxış edir. Gənc oyunçu Slovakiya U-16 millisinin üzvüdür.