"Bavariya"nın heyətində ciddi itki baş verib.

Matc.az xəbər verir ki, Münhen təmsilçisinin qapıçısı Manuel Noyer sıradan çıxıb. Bu barədə klubun mətbuat xidməti məlumat yayıb.

Almaniyalı qolkiper Bundesliqanın 16-cı turunun "Maynts"la matçında (2:2) ayaq əzələsindən zədə alıb. 39 yaşlı futbolçunun yaşıl meydanlara qayıdacağı tarix açıqlanmayıb.

Qeyd edək ki, Manuel Noyer bu mövsüm "Bavariya"nın heyətində 25 rəsmi matçda iştirak edib.