Türkiyə Superliqasının V turunun açılış oyununda "Beşiktaş" doğma meydanda "Ərzurumspor"u qəbul edib.

Matc.az xəbər verir ki, "Tüpraş" stadionunda baş tutan qarşılaşma meydan sahiblərinin 3:0 hesablı darmadağını ilə başa çatıb.

Oyuna pressinqlə başlayan İstanbul təmsilçisi 21-ci dəqiqədə Emirhan Topçunun qolu ilə hesabı açıb. Cəmi 6 dəqiqə sonra – matçın 27-ci dəqiqəsində Leandro Trossard "Beşiktaş"ın ikinci qolunu rəqib qapısından keçirib. Görüşdə son nöqtəni isə 81-ci dəqiqədə İlhan Fakılı qoyub.

Bu qələbə sayəsində xallarını 12-yə yüksəldən "Beşiktaş" turnir cədvəlində rəqiblərindən bir oyun çox keçirməklə liderliyə yüksəlib.