Culyan Uord "Liverpul"un idman direktoru vəzifəsinə təyin edilib.

Matc.az xəbər verir ki, bu barədə İngiltərə klubunun mətbuat xidməti məlumat yayıb.

Bildirilir ki, o, bu vəzifədə sentyabrın əvvəlində Səudiyyə Ərəbistanının "Əl-Hilal" klubuna keçən Riçard Hyuzu əvəzləyib.

Uorda gəlincə, o, bu təyinata qədər 2024-cü ildən "Liverpul"un sahibi olan "Fenway Sports Group" şirkətinin texniki direktoru vəzifəsində çalışıb.

Qeyd edək ki, 45 yaşlı ingiltərəli mütəxəssis 2012-2023-cü illərdə "Liverpul"da işləyib, üstəlik 2022/23 mövsümündə klubun idman direktoru vəzifəsini tutub.