"Yuventus"un müdafiəçisi Daniel Ruqani karyerasını İngiltərədə davam etdirəcək. Matc.az saytının xarici mətbuata istinadən məlumatına görə, italiyalı futbolçu "Arsenal"la anlaşıb.

25 yaşlı oyunçu London klubu ilə şəxsi razılığa gəlib. Hazırda klublar arasında keçidin son detalları müzakirə olunur. Qeyri-adi nəsə baş verməsə, Ruqani tezliklə "Arsenal"la uzunmüddətli müqavilə bağlayacaq. Onun yeni komandasında illik məvacibi 4 milyon avro olacaq.

Qeyd edək ki, Daniel Ruqani ötən mövsüm A seriyasında 15 matçda iştirak edib, 2 qola imza atıb.