PSJ-nin hücumçusu Neymarın "Barselona"ya transferi reallaşmaq üzrədi. Matc.az xəbər verir ki, "El Chiringuito TV"nin iddiasına görə, braziliyalı forvardın keçidində klublar ortaq məxrəcə gəlib.

Məlumatda "Barselona"nın 27 yaşlı ulduz futbolçunu sabah rəsmən təqdim edəcəyi vurğulanıb. Keçid üçün yalnız xırda detallar qalıb ki, onun da gün ərzində həll edilməsi gözlənilir.

Qeyd edək ki, Neymar 2013-2017-ci illərdə "Barselona"da çıxış edib və PSJ-yə məhz Kataloniya klubundan keçib.