Portuqaliyada ötən mövsümün ən yaxşı futbolçusu müəyyənləşib. Matc.az saytının xarici mətbuata istinadən məlumatına görə, bu mükafat "Yuventus"un hücumçusu Kriştianu Ronaldoya verilib.

Superulduz səsvermənin final mərhələsində "Atletiko"nun yeni transferi Joao Feliks və "Mançester Siti"nin yarımmüdafiəçisi Bernardo Silvanı qabaqlayıb. Bununla CR7 10-cu dəfə ölkəsinin ən yaxşı futbolçusu adına layiq görülüb.

Qeyd edək ki, Kriştianu Ronaldo ötən mövsüm yığması ilə Millətlər Liqasının, "Yuventus"la isə A seriyasının qalibi olub.