"Palmali"nin rəhbəri Mübariz Mənsimovun "Beşiktaş"a prezident olacağına dair iddialar yayılıb. Matc.az xəbər verir ki, İstanbul klubunun İdarə Heyətinin üzvü olan azərbaycanlı iş adamı Türkiyədə fəaliyyət göstərən "Azərbaycan Kartalları" fan klubuna verdiyi açıqlamada bu iddialara münasibət bildirib.

"Klubu alacağıma dair iddialar yayılır. İlk olaraq deyim ki, bu, müzakirə mövzusu belə deyil. çünki "Beşiktaş" satılmır. Prezident olacağıma dair iddialar da var... Mən sadəcə, "Beşiktaş" azarkeşiyəm. Prezident olmaq kimi fikrim yoxdu. Əlimdən gəldiyi qədər kluba yardım etməyə çalışıram. Klubuma da uğurlar diləyirəm" - deyə, Mənsimov bildirib.

Qeyd edək ki, İstanbul təmsilçisinə 2012-ci ildən prezidentlik edən Fikrət Orman vəzifəsindən istefa verib.