Avropa Liqasında "Qarabağ"ın rəqibi olan İngiltərə "Arsenal"ı transfer bazarındakı fəallığı ilə diqqət mərkəzinə düşüb. Matç.az saytı xəbər verir ki, London klubu eyni vaxtda bir neçə futbolçunun keçidi barədə danışıqlara start verib.

"Topçular" hücum xəttində Danni Uelbekə əvəzləyici tapıb. Fransa "Lill"ində çıxış edən Nikola Pepe zədəli forvardı artıq bu qış əvəz edəcəyi gözlənilir. 23 yaşlı hücumçu "Arsenal"ın yeganə hədəfi deyil.

Dortmund "Borussiya"sının yarımmüdafiəçisi Yuli Vayql da Londona köçməyə yaxındı. Onun da 2019-cu ilin yanvarında klubunu dəyişəcəyi gözlənilir. Almaniya klubu orta sahə oyunçusunu 25 milyon avroya satmağa hazırdı.