"Yaxşı futbol oynayan komandaya qarşı çətin oyunda qalib gəldik. Gözəl işlər görürük, amma mövsüm hələ bitməyib və hədəfimiz uğrunda mübarizə aparırıq"

"Milan"ın hücumçusu Zlatan İbrahimoviç A Seriyasının 35-ci turunda "Sassuolo"ya qarşı qələbəni (2:1) şərh edib. Matc.az xəbər verir ki, isveçli futbolçu klubdakı gələcək karyerası barədə də danışıb:

"Yaxşı futbol oynayan komandaya qarşı çətin oyunda qalib gəldik. Gözəl işlər görürük, amma mövsüm hələ bitməyib və hədəfimiz uğrunda mübarizə aparırıq. Beşinci yeri tutmaq istəyirik. Baxmayaraq ki, Avroliqa üçün təsnifat mərhələsini təmin etmişik. Qarşıda 3 oyun var, hər şey mümkündür".

İbrahimçoviç baş məşqçi Stefano Pioli ilə müqavilə uzadılması barədə isə bunları deyib: "Bu barədə bizə heç nə deyilməmişdi. Burada hər gün yeni bir şey öyrənirik. Mən də işimi görməyə davam edirəm. "Milan"da özümü xoşbəxt hiss edirəm".

Qeyd edək ki, komanda A Seriyasında 59 xalla beşinci pillədə qərarlaşıb.