"Vulverhempton"un hücumçusu Adam Traore mövsüm sonu komandasını dəyişə bilər. Matc.az ESPN nəşrinə istinadən xəbər verir ki, futbolçu ilə  "Mançester Siti" və "Yuventus" klubları maraqlanır.

Bildirilir ki, hər iki komanda oyunçu üçün israrlıdır. Əgər "canavarlar" çempionlar Liqasına vəsiqə qazansa, 24 yaşlı futbolçu komandadan ayrılmayacaq.

Ancaq 59 xalla 6-cı pillədə olan "Vulverhepton"un çL-yə qatılmaq ehtimalı azdır. Bu səbəbdən də oyunçunun gələn təkliflərə müsbət yanaşacağı bildirilir.

Qeyd edək ki, ispaniyalı oyunçu 2019/20 mövsümündə "Vulverhempton"də 47 oyun keçirib və 6 qol vurub.