"Barselona"nın hücumçusu Osman Dembele bu yay Kataloniya klubunu tərk edə bilər. Matc.az xəbər verir ki, futbolçu ilə "Mançester Yunayted" maraqlanır.

Məlumata görə, "qırmızı şeytanlar" oyunçu üçün qarşı tərəflə danışıqlara başlayacaq. Premyer Liqa təmsilçisi fransalı forvardı heyətinə qatmaq niyyətindədir. 

Dembele "Barselona"da gözləntiləri qarşılaya bilmədi. Futbolçunun tez-tez zədələnməsi onunla yolların ayrılmasına ən böyük səbəbdir.

23 yaşlı hücumçu cari mövsüm zədə səbəbindən cəmi 5 oyun keçirib və bir qol vurub.