"Evdə "Qarabağ"a qarşı aldığımız məğlubiyyət (1:2) bizi radikal qərarlar verməyə məcbur etdi. Həmin vaxt Tomas Dolla danışdıq"

Kiprin APOEL klubunun prezidenti Prodromos Petridis komandasının 2019/2020 mövsümündə avrokuboklardakı çıxışını dəyərləndirib.

Matc.az "Omada.reporter.com.cy" saytına istinadən xəbər verir ki, funksioner  sponsorlarla görüşdə UEFA çempionlar Liqasının III təsnifat mərhələsində "Qarabağ"la Nikosiyada keçirdikləri oyunu da xatırlayıb.

"Evdə "Qarabağ"a qarşı aldığımız məğlubiyyət (1:2) bizi radikal qərarlar verməyə məcbur etdi. Həmin vaxt Tomas Dolla danışdıq. O isə etimadı doğrultdu və "Qarabağ"la cavab oyununda şansları lehimizə çevirdi. Səfərdə 2:0 hesablı qələbə sayəsində tariximizdə 8-ci dəfə avrokubokların qrup mərhələsinə vəsiqə qazandıq".

Qeyd edək ki, APOEL ötən mövsüm 4 dəfə "Qarabağ"la üz-üzə gəlib. Bunların yarısı çL-in III təsnifat mərhələsinə, yarısı Avroliqanın qrup mərhələsinə təsadüf edib.