"Barselona" ulduz futbolçusu Lionel Messini sata biləcəyi qiyməti açıqlayıb. Matc.az "Daily Mirror"a istinadən xəbər verir ki, Kataloniya təmsilçisi argentinalı futbolçu ilə 700 milyon avro qarşılığında vidalaşmağa hazırdır.

Məlumata görə, Messi komandadan ayrılmaq niyyətindədir. Onunla PSJ, "İnter" və "Mançester Siti" kimi klubların maraqlandığı iddia edilir.

Xatırladaq ki, 33 yaşlı oyunçunun "Barselona" ilə 2021-ci ilə qədər müqaviləsi var. Klub onu komandada saxlamaq niyyətindədir. Messi ötən mövsüm 44 oyuna 31 qol vurub və 24 məhsuldar ötürmə verib.