"Komandanın gələcəyini futbol tarixinin ən yaxşı oyunçusu Lionel Messi ilə birlikdə qurmağı düşünürük. Olanlardan nəticə çıxarmalıyıq".

"Barselona" klubunun idman direktoru Ramon Planes Lionel Messi barədə açıqlama verib. Matc.az xəbər verir ki, klub rəsmisi argentinalını heyətdə saxlamaq istədiklərini bildirib:

"Komandanın gələcəyini futbol tarixinin ən yaxşı oyunçusu Lionel Messi ilə birlikdə qurmağı düşünürük. Olanlardan nəticə çıxarmalıyıq. Onun ayrılma ehtimalını düşünmürük və Messiyə çox hörmətlə yanaşırıq. Gələcək perspektivli görünür, mən buna əminəm. çünki çox sevdiyimiz "Barça"nı yenidən qurmağa hazır olan çox sayda gənc oyunçumuz var. Düzdür, heyəti gəncləşdirmək fikrindəyik. Lakin burada kuboklar qazanmış oyunçulara da hörmət edirik. Kapitanımızla klub arasında mübahisə yarana bilməz. Nə o, nə də "Barselona" buna layiq deyil. Komandanın güclənməsi üçün birlikdə çalışmalıyıq".

Xatırladaq ki, 33 yaşlı ulduz futbolçu ayrılmaq istədiyini Kataloniya təmsilçisinə bildirib. Onunla "Mançester Yunayted", PSJ və "Mançester Siti" kimi klubların maraqlandığı iddia edilir.