AFFA "Turan-Tovuz" klubunun nəzdində inşa olunan Futbol Akademiyası üçün süni örtüklü meydançaların salınması ilə bağlı tender elan edib. 

Matc.az xəbər verir ki, tenderə qatılmaq istəyənlər AFFA-nın təqdim etdiyi 24-25 mm-lik süni ot örtüyünü salmalı və digər işlər görməlidirlər. 

Təkliflərin qiymətləndirilməsi zamanı şəffaflığın qorunması və prosesin təhlükəsizliyinin təmin olunması üçün "Şirkətlərin uyğunluğu üzrə sorğu vərəqi" müvafiq qaydada doldurularaq sentyabrın 11-dək AFFA-ya göndərilməlidir. Əks halda, həmin təklif tenderdə iştirak edə bilməyəcək.