Azərbaycan millisinin futbolçusu Eddi İsrafilovun çıxış etdiyi İspaniyanın "Albasete" klubu yoxlama oyunu keçirib.  Matc.az xəbər verir ki, komanda Sequnda təmsilçisi "Kastelyon"la üz-üzə gəlib.

Görüş 1:1 hesabı ilə yekunlaşıb.  Yığmamızın futbolçusu oyuna start heyətdə başlayıb. O, fasilədə əvəzlənib.

Qeyd edək ki, Eddi İsrafilov Azərbaycan millisinin təlim-məşq toplanışında iştirak etmir. O, koronavirus səbəbindən İspaniyadakı vəziyyətin gərgin olduğunu bildirib və Bakıya gələ bilməyəcəyi üçün yığmanın baş məşqçi Canni De Byaziyə müraciət edib.

Azərbaycan millisi sentyabrın 5-də Bakıda Lüksemburq, 3 gün sonra isə səfərdə Kiprlə qarşılaşacaq.