13 May 2022, 10:15
APL

"Qarabağ" 2021/22 mövsümündə 10-cu dəfə böyük hesabla qələbə qazanıb. Matc.az xəbər verir ki, bu, XVI turdan təxirə salınan "Sumqayıt"la oyunda gerçəkləşib. 5:0 hesabı ilə qalib gələn Qurban Qurbanovun yetirmələri bunadək keçirilən 25 matçda 9 dəfə üç və ya daha çox top fərqilə qalib gəlib.
 
Ağdam klubu Premyer Liqadakı bütün rəqibləri ilə görüşlərdə belə qələbə əldə edib. "Qarabağ" "Neftçi" (4:0), "Zirə" (3:0), "Qəbələ" (5:1), "Sabah" (5:1) və "Şamaxı"nı (8:0) bir, "Səbail"i (3:0, 5:1) iki, "Sumqayıt"ı (4:0, 3:0, 5:0) üç dəfə böyük hesabla üstələyib.
 
Bu, son 8 mövsümün rekord göstəricisidir. Daha çox böyükhesablı qələbəyə sonuncu dəfə 2013/14 mövsümündə təsadüf olunub. Həmin vaxt "Qarabağ" 11 belə nəticəyə imza atıb.

XƏBƏRİ PAYLAŞ
  • gplus
  • pinterest