Təlim-məşq toplanışını Türkiyədə davam etdirən “Araz-Naxçıvan”ın oyun təqvimində dəyişiklik edilib.

Matc.az xəbər verir ki, yoldaşlıq oyunu keçirilməsi planlaşdırılan Özbəkistanın “Soqdiana” klubu toplanışa gəlmədiyi üçün onlarla görüş baş tutmayacaq.

Naxçıvan klubu əvəzində, Küveytin “Al Arabi” komandası ilə qarşılaşacaq. Görüş iyulun 24-də, saat 18:00-da keçiriləcək.

Qeyd edək ki, “Araz-Naxçıvan” ilk yoxlama oyununda “Alanyaspor”la (1:1) heç-heçə edib.