İtaliyalı hücumçu Mario Balotelli A Seriyasına qayıda bilər. Matc.az xəbər verir ki, 34 yaşlı forvardın xidmətləri “Cenoa”ya təklif olunub.

Genuya klubu hazırda Ruslan Malinovskinin zədələnməsi səbəbindən yarımmüdafiə xəttinə oyunçu almağa xüsusi diqqət yetirir. Ancaq rəhbərlik Balotelli variantını da nəzərdən keçirir. Ötən mövsümün sonunda “Adana Dəmirspor”dan ayrılan ulduz futbolçu hazırda azad agentdi.

Qeyd edək ki, Mario Balotelli əvvəllər “İnter”, “Milan”, “Breşiya”, “Monza”, “Mançester Siti”, “Liverpul”, “Nitsa”, “Marsel” və “Sion”da oynayıb. O, “İnter”in heyətində üçqat İtaliya çempionu olub, Çempionlar Liqasını qazanıb.