"Əl-Hilal" İngiltərə klubu ilə müqaviləsi 2025-ci ilin yayında başa çatacaq "Liverpul"un 32 yaşlı cinah oyunçusu Məhəmməd Salah üçün böyük təklif hazırlamaq mərhələsindədir.

Matc.az xəbər verir ki, bu barədə X sosial şəbəkəsində jurnalist Nikolo Şira məlumat verib.

Bildirilir ki, Səudiyyə klubu misirli futbolçuya 2028-ci ilə qədər müqavilə təklif etmək niyyətindədir.

Qeyd edək ki, Salah bu mövsüm bütün turnirlərdə 31 oyun keçirib, 22 qol vurub və 17 məhsuldar ötürmə edib. "Transfermarkt" portalında futbolçunun bazar dəyəri 55 milyon avrodur.