"Mançester Yunayted"in vingeri Alexandro Qarnaço 40 milyon funt-sterlinqə (46,5 milyon avro) "Çelsi"yə keçir.

Matc.az xəbər verir ki, bu barədə məlumatı insayder Fabrisio Romano paylaşıb.

Bildirilir ki, sövdələşmənin bütün detalları artıq razılaşdırılıb.

Xatırladaq ki, ötən mövsüm Qarnaço "qırmızı şeytanlar"ın baş məşqçisi Ruben Amorimlə mübahisə etmişdi. Mətbuatda yayılan xəbərlərə görə, portuqaliyalı mütəxəssis şəxsən Qarnaçoya bundan sonra klubda oynamayacağını bildirib.

21 yaşlı argentinalı "Atletiko"nun yetirməsidir. O, 2020-ci ilin sonunda "Mançester Yunayted"in gənclər komandasına qoşulub. O, "mankunianlar"ın əsas heyətində 144 oyun keçirib, 26 qol vurub və 22 məhsuldar ötürmə edib.