2026-cı il dünya çempionatının startına sayılı günlər qalmış turnirin iddialı komandalarından olan Uruqvay millisi yekun heyətini təqdim edib.

Matc.az xəbər verir ki, baş məşqçi Marselo Bielsanın seçdiyi 26 nəfərlik heyətdə "İnter Mayami"nin ulduzu Luis Suares yer almayıb. 2026-cı ilin yayında dünya çempionatında son dəfə mübarizə aparmaq istədiyini bildirən 39 yaşlı əfsanə, məşqçilər korpusunun qərarı ilə siyahıya salınmayıb.

Uruqvay yığmasının DÇ-2026 üçün heyəti:

Qapıçılar: Serxio Roşe ("İnternasional", Braziliya), Fernando Muslera ("Estudiantes", Argentina), Santiaqo Mele ("Monterrey", Meksika).

Müdafiəçilər: Gilyermo Varela ("Flamenqo", Braziliya), Ronald Arauxo ("Barselona", İspaniya), Xose Mariya Ximenes ("Atletiko Madrid", İspaniya), Santyaqo Bueno ("Vulverhempton", İngiltərə), Sebastyan Kaseres ("Klub Amerika", Meksika), Matias Olivera ("Napoli", İtaliya), Xoakin Pikeres ("Palmeyras", Braziliya), Matias Vinya ("River Pleyt", Argentina).

Yarımmüdafiəçilər: Manuel Uqarte ("Mançester Yunayted", İngiltərə), Emiliano Martines ("Talleres", Argentina), Rodriqo Bentankur ("Tottenhem", İngiltərə), Federiko Valverde ("Real Madrid", İspaniya), Aqustin Kanobbio ("Fluminense", Braziliya), Xuan Manuel Sanabria ("Real Solt-Leyk", ABŞ), Corcian de Arrasketa ("Flamenqo", Braziliya), Nikolas de la Kruz ("Flamenqo", Braziliya), Rodriqo Salazar ("Braqa", Portuqaliya), Fakundo Pelitri ("Panatinaikos", Yunanıstan), Maksimiliano Arauxo ("Sportinq", Portuqaliya), Brayan Rodriqes ("Klub Amerika", Meksika).

Hücumçular: Rodriqo Aquirre ("Tiqres UANL", Meksika), Federiko Vinas ("Ovyedo", İspaniya), Darvin Nunes ("Əl-Hilal", Səudiyyə Ərəbistanı).

Qeyd edək ki, Uruqvay millisi DÇ-2026-nın qrup mərhələsində İspaniya, Səudiyyə Ərəbistanı və Kabo-Verde yığmaları ilə eyni qrupda mübarizə aparacaq.