"Vest Hem"in yarımmüdafiəçisi Mateuş Fernandes Londonun "Tottenhem" klubu ilə müqavilə imzalayıb.

Matc.az xəbər verir ki, bu barədə klubun mətbuat xidməti məlumat yayıb.

Bildirilir ki, sövdələşmənin şərtləri rəsmən açıqlanmır.

Ötən 2025/2026 mövsümündə portuqaliyalı yarımmüdafiəçi "Vest Hem"in heyətində bütün turnirlərdə 42 oyun keçirib. Onun aktivində 5 vurulan qol və 5 məhsuldar ötürmə var.

Fernandes Lissabonun "Sportinq" klubunun yetirməsidir. O, Portuqaliya millisinin heyətində 1 oyun keçirib, müxtəlif yaş qrupları üzrə yığma komandalarda isə 41 matçda meydana çıxıb.