02 Fevral 2022, 22:17
TOP OYUNLARI

Kişi voleybolçular arasında Azərbaycan Yüksək Liqasında daha bir oyun keçirilib. Matc.az xəbər verir ki, IV tur çərçivəsində "Murov" "Neftçi" ilə üz-üzə gəlib.
 
"Murov"in bazasında baş tutan görüş qonaqların üstünlüyü ilə başlayıb. Onlar gərgin keçən ilk hissəni çətinliklə də olsa aktivlərinə yazıblar – 31:29. Ardınca ssenari dəyişib. Bu dəfə "Murov" təşəbbüsə yiyələnib. İkinci hissədə 25:23 hesabı ilə qalib gələn komanda status-kvonu bərpa edib – 1:1. 
 
Lakin "Murov"un bundan artığına gücü çatmayıb. üçüncü seti 25:16 hesabı ilə qalib gələn "Neftçi" 4-cü hissədə rəqibini 25:20 hesabı ilə məğlub edib və matçın hesabını müəyyənləşdirib – 3:1. 
 
Bununla da 3-cü oyunda ikinci qələbəsini qazanan komanda 6 xalla liderliyə yüksəlib. Onlardan 1 görüş az keçirən və 3 xal geri qalan "Murov", MOİK və "Ekspress" müvafiq olaraq 2-4-cü yerdə qərarlaşıblar. Sonuncu pillədə olan "Sərhədçi" bir oyun keçirib və hələlik xal hesabını açmayıb. 
 
"Sərhədçi"nin baş məşqçisində və oyunçusunda koronavirus aşkarlandığından oyunları təxirə salınıb.

XƏBƏRİ PAYLAŞ
  • gplus
  • pinterest