"Arsenal" komandanın lideri Deklan Rays ilə müqavilənin müddətinin uzadılması barədə son mərhələdə olan danışıqları uğurla davam etdirir.

Matc.az xəbər verir ki, bu barədə insayder Fabrisio Romano məlumat yayıb.

Bildirilir ki, tərəflər artıq futbolçunun maaşını demək olar ki, razılaşdırıblar və yeni müqavilənin müddəti üzərində işləyirlər. London klubunda ingiltərəli oyunçu ilə uzunmüddətli müqavilə imzalamağa çalışırlar. Raysı komandanın əsas fiquru və yerli azarkeşlərin sevimlimisi hesab edirlər.

Eyni zamanda "topçular" daha bir neçə müqavilənin yenilənməsi üzərində çalışırlar. Həmin futbolçuların adları isə açıqlanmır.

Xatırladaq ki, Rays 2023-cü ilin yayından London klubunda çıxış edir. O, həmin vaxtdan bəri İngiltərə nəhənginin heyətində 168 oyun keçirib (21 qol və 35 məhsuldar ötürmə) və 3 titul qazanıb.

Onun "topçular"la hazırkı müqaviləsi 2028-ci ilin iyun ayının sonuna kimidir, "Transfermarkt" portalı isə yarımmüdafiəçinin dəyərini 120 milyon avro qiymətləndirir.