“Mançester Siti”nin hücumçusu Julian Alvares “Atletiko”ya keçəcək. Matc.az xəbər verir ki, klublar arasında danışıqlar müsbət yekunlaşmaq üzrədi.

İlkin razılığa əsasən, İspaniya təmsilçisi dünya çempionu üçün qarşı tərəfə 70 milyon avro ödəyəcək. Sözləşmədə həmçinin 25 milyon avroluq bonus da qeyd olunub. 24 yaşlı forvardla şəxsi müqavilənin şərtləri hələ tam razılaşdırılmayıb.

Bu satış “şəhərlilər” üçün rekord olacaq. Premyer Liqa klubu Alvaresi 2022-ci ildə 14 milyon funt-sterlinqə almışdı.

Qeyd edək ki, Julian Alvares ötən mövsüm Premyer Liqada 36 oyun keçirib, 11 qol vurub, 9 məhsuldar ötürmə verib.