PSJ-nin bəzi oyunçuları komandanın baş məşqçisi Luis Enrikenin taktiki çevikliyinin olmamasından narazıdırlar.

Matc.az xəbər verir ki, bu barədə məlumatı "L'Équipe" paylaşıb.

Bildirilir ki, ispaniyalı mütəxəssisin bəzi futbolçuların güclü tərəflərindən istifadə etməməsi bir sıra futbolçuların xoşuna gəlmir.

Xüsusilə komandanın cinah oyunçuları Bradley Barcola və Ousmane Dembelenin keçid fazasında yaratdığı təhlükə Enrikenin taktiki fəlsəfəsinə uyğun gəlmir.

Həmçinin, PSJ futbolçuları ispan məşqçinin göstərişlərinə əməl etmədiklərində, onlara qarşı göstərdiyi münasibəti bəyənmirlər. Enrikenin isə komandanın oyun tərzində heç bir dəyişiklik etmək fikrində olmadığı vurğulanır.