İtaliya Superkubokunun təqvimi açıqlanıb. Matc.az xəbər veriir ki, yarışda üç Top-klub və “Atalanta” çıxış edəcək.

Turnir 2025-ci ilin yanvarında Səudiyyə Ərəbistanında keçiriləcək. Yanvarın 2-də “İnter” ilk yarımfinalda “Atalanta” ilə, ertəsi gün “Yuventus” “Milan”la qarşılaşacaq. Final yanvarın 6-da baş tutacaq. Hər üç oyun “Əl Hilal”ın ev görüşlərini keçirdiyi Ər-Riyaddakı “Kingdom Arena”da keçiriləcək.

Qeyd edək ki, “İnter” A Seriyasının çempionu, “Milan” ikinci yeri tutan komanda, “Yuventus” və “Atalanta” isə İtaliya Kubokunun finalçısı kimi turnirdə oynamaq hüququ qazanıb.