Bu gün AFFA-nın inzibati binasında futzal üzrə Yüksək Liqa və Birinci Liqada 2024/2025-ci illər mövsümünün püşkü atılıb. Matc.az xəbər verir ki, Yüksək Liqada 6 komanda iştirak edəcək ki, onlardan “Şuşa” debütantdır.

Bu gün AFFA-nın inzibati binasında futzal üzrə Yüksək Liqa və Birinci Liqada 2024/2025-ci illər mövsümünün püşkü atılıb. Matc.az xəbər verir ki, Yüksək Liqada 6 komanda iştirak edəcək ki, onlardan “Şuşa” debütantdır.

Komandalar 4 dövrə mübarizə aparacaqlar. 20 turun yekununda ən çox xal toplayacaq kollektiv Azərbaycan çempionu olacaq və ölkəmizi UEFA Çempionlar Liqasının 2025/2026-cı illər mövsümündə təmsil edəcək. İkinci və üçüncü pillələrin sahiblərinə isə müvafiq olaraq gümüş və bürünc medallar, diplomlar təqdim olunacaq.

Birinci Liqada 12 komanda qüvvəsini sınayacaq. Mübarizə bir dövrədən ibarət olacaq. 11 turdan sonra turnir cədvəlinin ilk “4-lüy”ündə yer alan komandalar pley-off mərhələsinə yüksələcəklər. 1-ci yerin sahibi ilə 4-cü, 2-ci pilləni tutan komanda ilə 3-cü sırada yer alan kollektiv qarşılaşacaqlar. Bir oyunluq mübarizədə qalib gələn iştirakçılar finalda qarşılaşacaqlar. Qələbə qazanan komanda Birinci Liqanın qalibi olacaq, kubok, qızıl medallar və diplomla təltif olunacaq. Finalda uduzan komandaya gümüş, pley-off mərhələsinin matçında uduzan və 3-cü yer uğrunda görüşdə qələbə qazanan kollektivə isə bürünc medallar və diplomlar təqdim olunacaq.

Qeyd edək ki, “yay transfer pəncərəsi” oktyabrın 21-də, saat 23:59-da bağlanacaq.

Yüksək Liqa, I tur

22 oktyabr. Olimpik Star

“Baku Fire” – “Araz-Naxçıvan”

“Şuşa” – “Neftçi” İK

U-19 – “Yasamal Bakı”

Birinci Liqa, I tur

20 oktyabr. Olimpik Star

“STAR kargo” – “Xan-Lənkəran”

“Delta” – “Djevo Dəyirman”

“Baku Fire-2” – “Çarşı Bakı”

“Yeni Suraxanı” – “Ulduz”

“Dəstə Ordubad” – “Timsport”

PFL – “Metropoliten”