"Bu xallar bizim üçün Azərbaycana olduğunundan daha vacibdir".

Ukrayna millisinin baş məşqçisi Sergey Rebrov DÇ-2026-nın seçmə mərhələsində Azərbaycana qarşı keçirəcəkləri oyundan öncə mətbuat konfransında iştirak edib.

Matc.az xəbər verir ki, o, ilk oyunda qələbəyə bir neçə amilin mane olduğunu qeyd edib.

"Sabah tamamilə fərqli oyun olacaq. Meydança böyük maneə idi və bizdə çoxlu oyunçular ilk dəfə oynayırdı. Onlar yəqin ki, həyəcanlı idilər. Əminəm ki, sabah onlar ilk dəqiqələrdən öz oyunlarını göstərəcəklər. Çünki bu xallar bizim üçün Azərbaycana olduğunundan daha vacibdir.

İslandiya ilə hücumda fərqli oynadıq. Rəqibin cərimə meydançasında kifayət qədər futbolçumuz var idi. Daha çox şans yaratmalı idik. İlk oyunda rəqiblərimizə bir az təzyiq göstərdik.

Mən futbolçulara heç vaxt demirəm ki, bir qol vurub, sonra arxada oturmalıyıq. Qol vurmaq və irəliləmək çox vacibdir, ona görə də 1:0 öndə olduğumuz və oyunun sonunda qol buraxdığımız vəziyyətlərimiz yoxdur. Fürsət yaranarsa, mümkün qədər çox qol vurmalıyıq.

Yeni zədələr yoxdur. Yarmolyuk dünən məşqə başlayıb, bu gün də məşq edir. O, 100% hazır olub-olmadığını sabah görəcəyik, çünki bu, çox vacibdir. Nə üçün Krıskiv və ya Pikhalyonok ehtiyat siyahıdan çağırılmayıb? Çünki əsas siyahı oyuna 4 həftə qalmış verilir. O dövrdə nələrin olacağını bilmirsən.

Bugünkü itkilərə gəlincə, bu, çox çətin vaxtlardır. Ukraynanı tərk etmək asan deyil, ona görə də əlavə oyunçular çağırmaq çətin məsələdir. İnanıram ki, sabahkı oyunda iştirak etmək üçün kifayət qədər futbolçumuz var.

Qeyd edək Azərbaycan - Ukrayna oyunu oktyabrın 13-də baş tutacaq. Komandaların ilk oyunu 1:1 hesabı ilə başa çatıb.