"Monako"nun yarımmüdafiəçisi Lamin Kamara karyerasını Türkiyə Super Liqasında davam etdirə bilər.

Matc.az xəbər verir ki, bu barədə Fransa mətbuatı məlumat yayıb.

"Fənərbaxça" seneqallı oyunçunu transfer etmək istəyir. İstanbul nəhəngi Kamaranı yayda heyətinə qatmağa çalışacaq.

"Liverpul" və "Atletiko" da 22 yaşlı futbolçu ilə maraqlanır. Liqa 1 təmsilçisi onun üçün 30 milyon avro tələb edir.

Qeyd edək ki, Lamin Kamara bu mövsüm "Monako"nun heyətində keçirdiyi 24 oyunda 4 qol ötürməsi edib.