"Beşiktaş"ın yeni baş məşqçisi müəyyənləşib. İstanbul təmsilçisi növbəti mövsümdən etibarən italiyalı mütəxəssis Vinçentso İtalyanoya əmanət olunub.

Matc.az xəbər verir ki, bu barədə İstanbul klubunun mətbuat xidməti məlumat yayıb.

Bildirilir ki, "qara qartallar"ı çalışdıracaq italyalı məşqçi rəsmi müqavilə imzalamaq üçün artıq İstanbula gəlib.

Qeyd edək ki, "Beşiktaş" ötən ay sabiq baş məşqçisi Sergen Yalçınla yollarını ayırmışdı. Vinçentso İtalyanonun son iş yeri isə İtaliyanın "Bolonya" klubu olub.