"Leypsiq"in hücumçusu Timo Verner uğrunda mübarizə qızışır. Matc.az saytının Bild nəşrinə istinadən məlumatına görə, 23 yaşlı forvard indi də "Bavariya"nın diqqət mərkəzinə düşüb.

Ancaq Münhen təmsilçisi Almaniya millisinin üzvü üçün çox pul xərcləmək niyyətində deyil. Bundesliqa çempionu Verneri 25 milyon avroya almağı planlaşdırır. Lakin "Leypsiq" forvardını 40 milyondan ucuz qiymətə satmayacağını bəyan edib.

Qeyd edək ki, Timo Vernerin "Leypsiq"lə müqavilə müddəti gələn ilin yayına qədərdi.