"Los-Anceles Qalaksi" hücumçusu Zlatan İbrahimoviçlə yollarını ayırmağa hazırlaşır. Matc.az saytının xarici mətbuata istinadən məlumatına görə, bunu MLS klubunun prezidenti Kris Kleyn söyləyib.

O bildirib ki, 38 yaşlı forvardın dekabrın 31-dək olan müqavilə müddəti yenilənməyəcək: "Zlatana klubdakı və MLS-dəki çıxışına görə təşəkkür edirik. O, gəlişi ilə oyunumuza müsbət təsir göstərdi. Ehtiraslı oyununa və peşəkarlığına görə minnətdarıq".

Qeyd edək ki, Avropaya qayıtmağa hazırlaşan Zlatan İbrahimoviçin yenidən "Milan"da oynaması gözlənilir.