"Milan"ın hücumçusu Fabio Borini komandasını dəyişib. Matc.az saytının xarici mətbuata istinadən məlumatına görə, "Verona" onu heyətinə qatıb.

Klubun rəsmi saytı da bu məlumatı yayıb. 29 yaşlı forvard A seriyası təmsilçisi ilə rəsmi müqavilə imzalayıb. "Rossonyerlər"lə yollarını ayıran və azad agent statusu alan Borini yeni komandası ilə 6 aylıq sözləşməyə qol çəkib.

Qeyd edək ki, karyerası ərzində "çelsi", "Parma", "Roma", "Liverpul", "Sanderlend" kimi klubların formasını geyinən Borini 2017-ci ildən "Milan"da çıxış edirdi.