PSJ-nin hüumçusu Edinson Kavani klubun tarixinə düşüb. Matc.az xəbər verir ki, o, ölkə kubokunun yarımfinal mərhələsində Paris təmsilçisinin heyətində "Lion"a qarşı 300-cü görüşünü keçirib.

Bununla da Kavani klubda ən çox forma geyinən 9-cu futbolçu olub. Siyahıda Marko Verrati və Tiaqo Silvanın da adı var. Bu oyunçular komanda ilə 310 oyuna çıxıblar.

Qeyd edək ki, uruqvaylı forvard klub tarixinin ən çox qol vuran futbolçusudur. O, bugünə qədər PSJ forması ilə 200 qol vurub.