30 Mart 2020, 22:09
FUTBOL

İngiltərənin "Aston Villa" klubunun futbolçusu Cek Qriliş karantin qaydalarını pozub. Matc.az Britaniya mətbuatına istinadən xəbər verir ki, kapitan gecəni tanışının yanında keçirib.
 
Daha sonra 25 yaşlı yarımmüdafiəçi 89 000 avro dəyərindəki "Range Rover"i ilə parklanmış vəziyyətdə olan iki "Mercedes"i əzib. O, xəsarət yetirdiyi avtomobillərin sahiblərinə dəyən zərəri ödəyəcəyini söyləyib.
 
Karantin qaydalarını pozmamışdan bir neçə saat əvvəl Qriliş pandemiya koronavirusu ilə əlaqədar hamını evdə qalmağa və digər insanlarla iki metr ara məsafəsi saxlamağa səsləyən video paylaşıb.
 
Qeyd edək ki, hazırda İngiltərə Premyer Liqasında qeyri-müəyyən müddətədək fasilə yaranıb. Bu mövsüm Cek Qriliş 26 oyuna 7 qol və 6 məhsuldar ötürmə müəllifi olub.
 

XƏBƏRİ PAYLAŞ
  • gplus
  • pinterest