"Qarabağ"ın futbolçusu Abdullah Zubir komandasının heyətində ilk avrokubok qoluna imza atıb. Matç.az saytı xəbər verir ki, fransalı legioner "siftə"sini Avropa Liqasının qrup mərhələsinin V turunun "Sportinq"lə qarşılaşmasında gerçəkləşdirib.

Komandasının 1:6 hesabı ilə uduzduğu görüşdə fərqlənən 28 yaşlı yarımmüdafiəçi "Qarabağ"la 12-ci avrokubok görüşündə qol hesabını açıb. O, Azərbaycan klublarının heyətində avrokubok qolu vuran 134-cü oyunçu olub.

Bunadək 133 futbolçu avrokubokda azarkeşlərimizə qol sevinci yaşatmışdı. Bu siyahıya 11 dəfə fərqlənən Reynaldo başçılıq edir.