"Yuventus"un hücumçusu Kristiano Ronaldo İtaliya çempionatının 31-ci turunda "Milan"a qarşı görüşdə (2:4) fərqlənməyi bacarıb.  Matc.az xəbər verir ki, bu, portuqaliyalının bu mövsüm A Seriyasında 26-cı qolu olub.

 Məlumata görə, Ronaldo ardıcıl 10 ildir milli çempionatlarda 25-dən çox qol vurmağı bacarır. Daha öncə bu uğur yalnız "Barselona"nın futbolçusu Lionel Messiyə məxsus idi.

Qeyd edək ki, Kristiano cari mövsüm  "Yuventus"da 39 oyun keçirib və 30 qol vurub.