"Napoli"nin müdafiəçisi Kalidu Kulibali Premyer Liqaya keçməyə yaxındır. Matc.az "Sky Sport Italia" nəşrinə istinadən xəbər verir ki, "Mançester Siti" seneqallı futbolçunu transfer etməkdə israrlıdır.

Məlumata görə, rəhbərlik Kulibalinin agenti ilə görüşüb. "Şəhərlilər" müdafiəçi üçün "Napoli"yə 75 milyon avro ödəməyə hazırdır.

Xatırladaq ki, oyunçu ilə "Liverpul" və "Mançester Yunayted" klubları da maraqlanır. Ancaq onun "Mançester Siti"yə keçəcəyi gözlənilir.

Seneqallı futbolçunun "Napoli" ilə müqaviləsi 2023-cü ilin yayına qədər qüvvədədir. 2019/20 mövsümündə müdafiəçi A Seriyasında 21 qarşılaşmada iştirak edib.