İngiltərənin "Tottenhem" klubunun iki futbolçusu komandanı tərk edəcək. Matc.az xəbər verir ki, bunlar müqavilələri başa çatan Yan Vertongen və qapıçı Mişel Vormdur.

Bu badədə komandanın müdafiəçisi Tobi Alderveyreld öz "instagram" hesabından paylaşım edib. O, iki oyunçunun da klubdan ayrılacağı üçün üzgün olduğunu bildirib.

Rəhbərlik futbolçularla müqavilə yeniləməyi düşünmür. Onların baş məşqçi Joze Mourinyonun planlarında daxil olmadığı vurğulanıb.

Qeyd edək ki, London klubu mövsümü 7-ci pillədə tamamlayaraq Avroliqanın təsnifat mərhələsinə vəsiqə qazanıb.