Millətlər Liqası Azərbaycan - Monteneqro matçının hakim-inspektoru dəyişdirilib. Matc.az xəbər verir ki, bu vəzifə avstriyalı Stefan Messnerə tapşırılıb.

Qarşılaşmaya Fransa ermənisi Paskal Qaribyan təyin edilmişdi. Ancaq Azərbaycanla Ermənistan arasında baş verən məlum hadisələri nəzərə alan UEFA qərarını dəyişib.

Azərbaycan – Monteneqro oyunu sabah saat 17:00-da Albaniyada keçiriləcək.

Qeyd edək ki, Messner 2008-ci il mayın 11-də keçirilən "Neftçi" – "Xəzər Lənkəran" görüşündə fit çalıb.