FİFA-nın İntizam Komitəsi AFFA-nı cərimələyib. Matc.az qurumun rəsmi saytına istinadən xəbər verir ki, buna Azərbaycan millisinin Dç-2022-nin seçmə mərhələsi çərçivəsində Portuqaliyaya qarşı keçirdiyi oyun zamanı təhlükəsizlik qaydalarının pozulması səbəb olub.
Meydana daxil olan azarkeşlər milli assosiasiyanı 5000 İsveçrə frankı (təqribən 9270 AZN) məbləğində ziyana salıb.
Xatırladaq ki, sentyabrın 7-də Bakı Olimpiya Stadionunda keçirilən və qonaqların 3:0 hesablı qələbəsi ilə başa çatmış qarşılaşmanın sonlarına yaxın 4 nəfər azarkeş meydana girərək, Portuqaliya yığmasının yarımmüdafiəçisi Bruno Fernandeslə şəkil çəkdiriblər. Matç bitəndən sonra da meydana çıxan azarkeşlər olmuşdu.
FİFA-nın İntizam Komitəsi Serbiya Futbol İttifaqını da 35 000 İsveçrə frankı (64 880 AZN) məbləğində cərimələyib. Buna Serbiya millisinin evdə Lüksemburq və Azərbaycan yığmalarına qarşı keçirdiyi seçmə mərhələ oyunlarında yerli azarkeşlərin təhqiramiz şüarlar səsləndirməsi səbəb olub. Serblər sentyabrın 4-də baş tutan matçda Lüksemburqu 4:1, oktyabrın 12-dəki qarşılaşmada isə Azərbaycanı 3:1 hesabı ilə məğlub ediblər.
XƏBƏRİ PAYLAŞ
Xəbərlər
Azərbaycan Kuboku: Yarımfinalçılar müəyyənləşir -
Premyer Liqa klubunun 2 futbolçusu
Ulduz futbolçu MLS klubu ilə
Arda Gülərin hədəfi “Real”da qalmaqdı
Musa Qurbanlı “Yurqorden”dən ayrılır
“Qarabağ” – “Neftçi” matçının hakimləri
Millimizin baş məşqçisi: Sonadək mübarizə
Samir Abasov Barselonada
“Qəbələ” “Zirə” önünə itkilərlə çıxacaq
"Liverpul"da itki
"Entoni etdiyi işdən çox utanmalıdır"
