10 Aprel 2023, 10:30
FUTBOL
Bakı təmsilçisi tarixində 21-ci dəfə mövsümü mükafatla başa vuracaq. Bu isə Azərbaycan çempionatlarında yeni rekorddu. "Neftçi" bu göstəriciyə çatmaqla öz rekordunu yeniləyib.
Misli Premyer Liqasının XXIX turunda "Sumqayıt" üzərində 4:0 hesablı qələbə qazanan "Neftçi" 2022-23 mövsümünün sonuncu mükafatçısı olub. Matc.az saytı xəbər verir ki, "ağ-qaralar" sona 7 tur qalmış minimum bürünc medalı təmin edib.
Bununla Bakı təmsilçisi tarixində 21-ci dəfə mövsümü mükafatla başa vuracaq. Bu isə Azərbaycan çempionatlarında yeni rekorddu. "Neftçi" bu göstəriciyə çatmaqla öz rekordunu yeniləyib.
"Neftçi" buna qədər 9 dəfə (1992, 1995-96, 1996-97, 2003-04, 2004-05, 2010-11, 2011-12, 2012-13, 2020-21) ölkə çempionu olub, 5 dəfə gümüş (2000-01, 2006-07, 2018-19, 2019-20, 2021-22), 6 dəfə bürünc (1994-95, 1998-99, 1999/2000, 2005-06, 2007-08, 2017-18) mükafat əldə edib.
Qeyd edək ki, "Neftçi" ardıcıl 6-cı mövsümü ilk "üçlük"də tamamlayacaq.