12 Aprel 2023, 15:19
FUTBOL

"Çempionlar Liqası fərqli hekayədi, burada oynamağa layiq olduğumuzu sübut etdik"

Bu gün çempionlar Liqasında 1/4 final mərhələsinin daha iki oyunu keçiriləcək. Matc.az saytı xəbər verir ki, İtaliya klublarının duelində "Milan" "Napoli"ni qəbul edəcək.
 
"Rossonyerlər"in baş məşqçisi Stefano Pioli A seriyasında "Napoli"ni 4:0 hesabı ilə məğlub etsələr də, bunun mühüm rol oynamadığını bildirib: "Bu dəfə qarşılaşma 180 dəqiqə davam edəcək. Tempi aşağı sala bilmərik. çempionlar Liqası fərqli hekayədi, burada oynamağa layiq olduğumuzu sübut etdik. Ən yaxşı oyunumuzu göstərmək üçün azarkeşlərimiz böyük təkan verəcək. Yaxşı hazırlaşdığımız üçün sakitik. Hər iki komanda motivasiyalı olacaq. Yarımfinala çıxmaq əla olar".
 
"Napoli"nin çalışdırıcısı Luçiano Spalletti isə yarımfinala adlamaq arzusunda olduqlarını söyləyib: "Biz artıq tarix yazmışıq, gəlin, həzz alaq. çempionlar Liqasında oynamaqdan narahat olan komanda deyilik. İnsanların "Napoli" barədə danışması və futbolumuzu tərifləməsi xoşumuza gəlir. Bizi indi daha vacib matçlar gözləyir. Bura çempionların turniridir və çempionlar lazımi güclərini göstərirlər. Mən də komandamı tanıyıram. "Milan"ı keçmək üçün hər şeyi edəcək".
 
Qeyd edək ki, "Milan" - "Napoli" oyunu Bakı vaxtı ilə saat 23:00-da başlayacaq.
 

XƏBƏRİ PAYLAŞ
  • gplus
  • pinterest